Carteira de servizos PGD

Contar cunha carteira de servizos en materia de prevención constitúe unha estratexia de mellora da calidade dos servizos das administracións que o Plan de Galicia sobre drogas (PGD) se compromete a promover e apoiar para lograr que os programas preventivos cheguen a unha serie de colectivos e grupos sociais, previamente definidos, de toda Galicia.

Esta carteira de servizos informa a cidadanía sobre os servizos que os órganos administrativos prestan de maneira efectiva, así como sobre os dereitos dos cidadáns/ás e usuarios/as dos servizos públicos.

O PGD pretende fixar determinados niveis de calidade na prestación de servizos previamente existentes, co compromiso público de prestalos nunhas condicións predeterminadas e cuns indicadores ou estándares ponderables sobre a calidade do servizo, establecendo un marco de garantías para o conxunto das institucións, os e as profesionais e a cidadanía.

A relación de programas incluídos na carteira de servizos, ordenados por  ámbitos, é a seguinte: 

DIRIXIDOS AO ÁMBITO ESCOLAR

• Programa de prevención do consumo de drogas no ámbito educativo: PPCDE (prevención universal)
• Programa Cinensino (prevención universal)
• Programa Non pasa nada, ¿pasa algo? (prevención selectiva)
• Programa Odisea (prevención selectiva en centros de garantía social)

DIRIXIDOS AO ÁMBITO FAMILIAR

• Programa Máis que un teito (prevención universal)
• Programa En familia todos contan (prevención selectiva)
• Programa Entre todos (prevención indicada)

DIRIXIDOS Á MOCIDADE

• Programa Activa (prevención universal)
• Programa Cambio de sentido: prevención do consumo de alcol na condución de vehículos (prevención universal)
• Programa Alternativa: dirixido a mozos/as con denuncias por consumo ou posesión de drogas en lugares públicos (prevención selectiva)
• Programa Creative:  prevención do consumo de alcol e outras substancias en espazos urbanos públicos (prevención selectiva)

DIRIXIDOS AO ÁMBITO LABORAL

• Programa Ao  alcance:  prevención  do abuso de drogas no ámbito laboral (prevención universal)

DE REDUCIÓN DE DANOS E PREVENCIÓN INDICADA PARA DROGODEPENDENTES

• Programa Sísifo: intervención precoz con drogodependentes en situación de emerxencia social
• Programa Itínere:  prevención  indicada e incorporación sociolaboral para drogodependentes excarcerados

PROGRAMAS DE PREVENCIÓN EN CLAVE DE XÉNERO

• Programa  Penélope:  prevención   do   consumo   de   drogas  dirixido  a mulleres.

PROGRAMAS DE PREVENCIÓN DIRIXIDOS A OUTROS COLECTIVOS

• Programa  Acais:  prevención   de   consumos  de  drogas  e  hábitos  non saudables na comunidade xitana

ACTIVIDADES TRANSVERSAIS DE SOPORTE AOS PROGRAMAS DE PREVENCIÓN

• Programa de información/sensibilización  sobre as drogas e os seus efectos
• Programa   de   formación   de   mediadores/as   sociais   en   prevención  das drogodependencias

Accede á carteira de servizos do Plan de Galicia sobre drogas, co desenvolvemento dos distintos programas que a integran, así como aos instrumentos de soporte e apoio á súa xestión e ás guías técnicas para a súa implantación que a acompañan.