galego | español
texto grande
buscar

Noticias

luns, 26 de outubro de 2020
"OS VOCEIROS MUNICIPAIS REÚNENSE HOXE PARA FALAR SOBRE A SITUACIÓN DO CENTRO DE SAÚDE"

A reunión, que xa estaba organizada dende a pasada semana, deberá analizar os novos datos achegados que indican que a situación do centro de saúde do Grove inda pode empeorar.

 

Os voceiros dos grupos políticos municipais están convocados hoxe a unha reunión no Concello para abordar a grave situación do centro de saúde. Trátase dunha reunión convocada a pasada semana e na que, entre outras cousas, se valorará a posta en marcha de distintas accións de protesta e reclamación sobre o precario da situación, a pesar de que xa se teña realizado algunha manifestación específica convocada por grupos políticos de xeito individual.

 

Nesta reunión deberán valorarse novos datos, como a previsión das xubilacións dos pediatras do centro ou a confirmación de baixas de longa duración de dous médicos de atención primaria, o que implica que a situación non só non se está solucionando, como indicaba a Xunta de Galicia ao final do verán, senón que empeora por momentos. Ademais disto, o alcalde informará da solicitude dunha reunión urxente co conselleiro de Sanidade, tendo en conta que as promesas realizadas hai un ano non se están cumprindo e é perentoria unha solución urxente aos graves problemas que está sufrindo o centro de saúde. Sanidade non move ningunha ficha a pesar da presión e das reunións mantidas.

 

Na reunión estarán presentes o concelleiro de Sanidade, médico do servizo de urxencias do centro de saúde, e o alcalde do Grove, que incidirán en que se deberá manter a presión sobre a construción do novo centro, pero tamén en que o fundamental e urxente é a dotación de persoal que proporcione un servizo digno e de calidade, como corresponde e é dereito de toda a veciñanza.

Webcam en Directo

axenda

calendario
mes anterior novembro | 20 mes próximo
LMMXVSD
1
2345678
9101112131415
16171819202122
23242526272829
30

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss