galego | español
texto grande
buscar

Noticias

Economía e Facenda

luns, 26 de outubro de 2020
"O PLENO DO CONCELLO DEBERÁ VALORAR HOXE O ORZAMENTO MUNICIPAL"

O Pleno do Concello do Grove que terá lugar esta tarde ás 20.00 horas no Salón de Plenos da Casa do Concello deberá, entre outras cousas, valorar o proxecto de orzamento do ano 2020. Trátase dun procedemento que chega meses despois de que se iniciara o procedemento, xa que o primeiro borrador estábase traballando para aprobar no mes de marzo, pero a pandemia paralizou os prazos ata o mes de xuño, momento no que, ademais se produciu a baixa da anterior interventora municipal e foi preciso agardar para conseguir outra profesional para o posto.

 

Neste punto, dende o Concello do Grove xa se incidiu no grave problema que están tendo os municipios ao non se contar con suficientes habilitados nacionais para estas responsabilidades (secretaría, intervención ou tesourería), o que supón, en moitos casos, a paralización total e absoluta do funcionamento dos concellos.

 

Tras a incorporación da nova interventora foi preciso realizar adaptacións do proxecto inicial, xa que debía axustarse a unha nova realidade causada pola enfermidade. A gran novidade do orzamento está na incorporación da EDAR á xestión municipal, que trastornou e prexudicou notablemente os recursos locais cuns 350.000 euros máis de custo, o que supón que os gastos en saneamento do Concello do Grove pasarán de 270.000 euros a 600.000 euros. Isto implica realizar cambios para facerlle fronte a esta contía. Ademais, o Concello debe enfrontarse a 100.000 euros adicionais requiridos para facer demolicións de obras ilegais por orde xudicial.

 

Como aspecto fundamental, reforzáronse economicamente áreas como Servizos Sociais e de Promoción Económica, aspecto que non estaba contemplado no borrador de marzo e que supónn unha resposta necesaria e urxente ante a realidade da situación que estamos vivindo. As axudas sociais disparáronse notablemente durante a pandemia, tanto no referido a axudas de alugamentos, de subministración de alimentación e gastos relacionados.

Webcam en Directo

axenda

calendario
mes anterior novembro | 20 mes próximo
LMMXVSD
1
2345678
9101112131415
16171819202122
23242526272829
30

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss