galego | español
texto grande
buscar

Noticias

Educación

luns, 4 de xuño de 2018
"O Concello do Grove asume un custo de 1.500 euros por neno ou nena ao ano na Escola Infantil de Rons"

O Consorcio Galego dos Servizos de Igualdade e Benestar é quen se encarga do cobramento destes custos para aplicar nos servizos da escola infantil.

 

O Concello do Grove conta, desde hai dous anos, cun convenio co Consorcio Galego dos Servizos de Igualdade e Benestar, dependente da Xunta de Galicia. Esta entidade é a encargada de xestionar as escolas infantís dentro do concepto Galiña Azul. Segundo o convenio, o custo establecido por neno é de 4.500 euros anuais, dos cales o Concello do Grove achega 1.500 euros, e os restantes van por conta do Consorcio. Deste xeito, o Consorcio faise cargo dunha parte dos gastos, pero os relativos a subministracións (electricidade, propano…) e mantemento básico (limpeza interior e do xardín, arranxos…) son asumidos de xeito directo polo Concello do Grove.

 

Segundo o acordo plantexado, estes gastos son descontados da cota que o Consorcio lle pasa ao Concello, o que supón unha rebaixa da cota inicial de 600 euros. Deste xeito o Concello abóalle ao Consorcio 900 euros anuais por neno ou nena, estando a media de matriculados en 70. Todo isto indica que o custo final por cada cativo da escola para o municipio está en 1.500 euros, que son aboados con cargo ás partidas de Educación dos orzamentos municipais. Desde o Concello destácase que se trata dun gasto xustificado na boa calidade do servizo prestado nesta Escola Infantil, especialmente logo da reforma realizada e das melloras que, de xeito permanente, son acometidas polo propio Concello, tal e como se fai en todos os centros educativos. 

Webcam en Directo

axenda

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss