A administración financeira do Concello correspóndelles aos departamentos de Intervención e Tesourería. O servizo de Intervención desenvolve as seguintes actividades:

• Fiscalizar todos os actos, documentos e expedientes que dean lugar ao recoñecemento de dereitos e obrigacións de carácter económico.
• Ordenar os ingresos e pagamentos que se derivan dos actos anteriores.
• Intervir os ingresos e fiscalizar todos os actos de contido económico.

 

Dependente de Intervención é o servizo de Rendas, que basicamente se encarga de:

• Liquidar os ingresos municipais (impostos, taxas, prezos públicos e outros ingresos).
• Realizar as propostas de resolución dos recursos interpostos contra os ingresos municipais en período voluntario.
• Controlar as altas, baixas e modificacións dos rexistros
• Rexistrar os cambios de domicilios para os efectos de notificacións.

 

O departamento de Tesourería ten como funcións principais as seguintes:

• Manexar e controlar os fondos, valores e efectos do Concello.
• Realizar os cobramentos e pagamentos que lle corresponden ao Concello.
• Exercer a xefatura do servizo de Recadación, establecendo os procedementos recadatorios, autorizando os pregos de cargo de valores que se lles entregan aos recadadores e axentes executivos, ditando as providencias de prema nos expedientes deste carácter e autorizando, cando for necesario, a poxa dos bens embargados.
• Dependente da Tesourería, o servizo de Recadación encárgase de realizar o proceso de cobramento dos tributos, prezos públicos e outros ingresos, e de realizar as propostas de resolución dos recursos interpostos contra os tributos en vía executiva de constriximento.

 

O cobramento dos tributos efectúase por dúas vías:

• En período voluntario: dentro dos prazos legalmente establecidos, recollidos no calendario do pagamentos.
• En período executivo: unha vez rematado o prazo voluntario, sen que se tivese satisfeita a débeda, iníciase o período executivo. Antes de que sexa ditada a providencia de constrinximento, o pagamento incluirá un 10% de recargo, pero se xa foi notificada, o recargo será do 20%, máis os xuros de mora devindicados e as custas que procedan.

 

Os pagamentos en período voluntario poden realizarse mediante dúas fórmulas:

• Liquidacións, a través das contas abertas nas oficinas bancarias colaboradoras.
• Recibos, nas oficinas bancarias e tamén directamente na oficina de Recadación.
• Para evitar molestas esperas, recoméndase a primeira opción, é dicir, a domiciliación dos recibos nas entidades bancarias.

 

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss