Igualdade e Benestar

Quen somos?

O Centro de Información ás Mulleres (CIM) é un servizo do Concello do Grove que presta información, asesoramento e intervención en aspectos sociais, psicolóxicos e xurídicos.

Todos os servizos préstanse gratuitamente e baixo a máis estrita confidencialidade.

Está formado por unha directora e psicóloga e unha asesora xurídica.

Que facemos?

Información e asesoramento xurídico.
Atención psicolóxica.
Información sobre os recursos dispoñibles no ámbito territorial.
Difusión e sensibilización cidadá acerca da vixencia e aplicación do principio de igualdade entre mulleres e homes.
Funcionamento como canle de comunicación entre as usuarias e os distintos organismos que tivesen competencias en materia de muller.
Información sobre cursos, estudos e xornadas que se programen do seu ámbito territorial, así como as actividades e servizos desenvolvidos polo SGI
Realización de conferencias, encontros, xornadas, cursos sobre temas de especial incidencia na consecución do principio de igualdade.
Atención específica a mulleres víctimas de violencia de xénero.
Recepción de denuncias e queixas en materia de discriminación por razón de sexo no ámbito da publicidade e os medios de comunicación e traslado destas ao órgano competente.
Fomento do asociacionismo e da participación das mulleres na sociedade civil.
Calquera outra actividade que se adecúe ao obxectivo prioritario da consecución da igualdade.