galego | español
texto grande
buscar

Noticias

Rede de Bibliotecas do Grove

luns, 23 de novembro de 2020
"O CONCELLO DO GROVE ACONDICIONA O VESTÍBULO DA BIBLIOTECA MUNICIPAL"

 

O cambio de mobiliario permite contar cun espazo máis funcional e acolledor que posibilita máis servizos para as persoas usuarias.

 

O Concello do Grove acaba de acondicionar o vestíbulo da biblioteca municipal do Monte da Vila coa finalidade de mellorar a súa usabilidade. As recentes obras realizadas neste espazo para dotalo dun elevador de das correspondentes ramplas que melloran a accesibilidade da zona supuxeron tamén acometer o pintado de paredes e a necesidade de repensar o uso do espazo. Ao tratarse dun lugar con moita luz natural, conta con grandes posibilidades para acoller actividades diversas ou exposicións.

 

O investimento en mobiliario foi subvencionados nun 40% polas axudas para equipamentos de bibliotecas da Xunta de Galicia, sendo o 60% restante sufragado cos orzamentos municipais. Instaláronse seis vitrinas para a exposición de mostras de publicacións, documentos, fotografías ou obxectos diversos. Tamén se creou un espazo de soft-seating para a relaxación, dotado con catro butacas e mesiñas para que as persoas visitantes poidan realizar as súas consultas, ler a prensa ou comentar as exposicións. Ademais, instaláronse mesas altas con tallos elevados para traballar con portátiles ou tabletas. Agárdase que este espazo poida ser de utilidade para as usuarias e os usuarios en canto as condicións sanitarias o permitan.

Webcam en Directo

axenda

noticias adl

cursos

ofertas de
emprego

Formulario para
ofertar emprego

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss