galego | español
texto grande
buscar

Noticias

Obras e Servizos

martes, 20 de outubro de 2020
"AS OBRAS DE BEIRAMAR CONTINÚAN A BO RITMO E INCLUIRÁN UN REFORZO DO ASFALTADO"
foto

 

As previsións iniciais son de poder rematar a obra antes de fin de ano.

 

O alcalde e a concelleira de Obras realizaron unha visita ás obras de desdobramento da avenida de Beiramar para comprobar a evolución destas. A primeira fase avanza a bo ritmo, inda que puido comprobarse que o firme da calzada non se atopa en bo estado, polo que se planificou un reforzamento do asfaltado para evitar problemas futuros. Lembramos que esta intervención non só implica a creación dun dobre carril na zona senón a mellora de toda a súa canalización, que se atopaba en condicións lamentables. As obras supuxeron tamén a tala dalgunhas árbores debido a necesidades do proxecto para manter os aparcadoiros da contorna.

 

Durante a visita estableceuse que se as obra continúan a este ritmo (e sempre dependendo dunha climatoloxía adecuada) o dobre carril podería estar dispoñible antes de que remate o ano. Tamén se considerou a necesidade de actuar sobre a zona da coñecida como “Fonte dos Cabalos”, xa que se trata dunha zona moi pouco aproveitada para desfrute peonil e como zona de tránsito. O Concello estudará posibles intervencións para acometer con futuros recursos.

 

O desdobramento da avenida de Beiramar supón un cambio fundamental na circulación de vehículos da localidade, xa que permitiría contar cunha semi-circunvalación, de tal xeito que se reduza o tránsito no centro urbano da localidade creando unha vila máis saudable en termos de ruído e contaminación, ao tempo que se consegue unha zona comercial concreta.

 
Galería:
 
Webcam en Directo

axenda

noticias adl

cursos

ofertas de
emprego

Formulario para
ofertar emprego

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss