galego | español
texto grande
buscar

Noticias

Deportes

mércores, 8 de xullo de 2020
"O PLAN CONCELLOS DA DEPUTACIÓN DE PONTEVEDRA PERMITIRÁ O DESENVOLVEMENTO DE ACTIVIDADES DEPORTIVAS NA LOCALIDADE"
foto

 

A Carreira de Orientación da Illa da Toxa e a agardada Liga de Fútbol 7 foron solicitadas dentro da convocatoria de 2020.

 

O Concello do Grove rematou onte a tramitación das solicitudes referidas ao Plan Concellos 2020. Lembramos que este programa permite solicitar axudas en varias liñas nas que, ademais da xestión de actuacións e obras públicas, contempla a celebración de eventos e actividades culturais e deportivas. No relativo ás actividades deportivas, as axudas concretaranse nunha Carreira de Orientación que terá lugar o vindeiro 8 de agosto na Illa da Toxa, un espazo que reúne as condicións óptimas para a posta en práctica desta clase de eventos.

 

A Carreira contará con monitores e técnicos que colaborarán para o bo desenvolvemento da proba. Estímase un máximo de 150 participantes, contándose cun amplo horario de saídas graduais para garantir o distanciamento social esixido na nova normalidade. O horario previsto ocupará aproximadamente cinco horas e está pendente se a proba se vai programar en horario de mañá ou de tarde.

 

A outra actividade prevista é a Liga de Fútbol 7, un evento que xeralmente conta cunha moi ampla participación na localidade. Consta dun total de 18 xornadas con catro partidos por xornada e desenvolverase no campo de fútbol das Lampáns, en San Vicente. Debemos lembrar que estes partidos comezaran no mes de xaneiro, pero tiveron que ser interrompidos debido á COVID-19. Deste xeito, a continuación das xornadas está prevista para o mes de setembro.

 

En ambos os casos trátase de actividades de grande importancia deportiva e con altos requisitos dende o punto de vista organizativo, tanto pola peculiaridade da proba —no caso da Carreira de Orientación— como polo elevado número de anunciantes —no referido á Liga de Fútbol 7—, polo que a colaboración da Deputación de Pontevedra a través do Plan Concellos resulta fundamental para podermos gozar destas actividades.

 
Galería:
 
Webcam en Directo

axenda

calendario
mes anterior agosto | 20 mes próximo
LMMXVSD
12
3456789
10111213141516
17181920212223
24252627282930
31

noticias

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss