galego | español
texto grande
buscar

Noticias

miércoles, 8 de julio de 2020
"[GALEGO] O CONCELLO DO GROVE AGRADÉCELLES AOS LOCAIS DE LECER E DE RESTAURACIÓN O BO CUMPRIMENTO DAS NORMAS SANITARIAS"
[GALEGO]

 

A primeira fin de semana do mes de xullo no Grove caracterizouse por unha elevada ocupación das praias, terrazas e restaurantes, pero mantendo as medidas de seguridade.

 

A pasada fin de semana o Concello do Grove recibiu unha afluencia de público sen precedentes nestas datas, xa que o número de persoas que estiveron nas praias da localidade chegou a cifras que son máis habituais da segunda quincena de xullo ou de agosto. A pesar diso, a fin de semana saldouse sen incidentes no relativo ao cumprimento das medidas de seguridade necesarias na nova normalidade, de tal xeito que non se produciron aglomeracións de persoas.

 

Amais das praias, onde se puido comprobar que a gran dispoñibilidade de espazo dos areais do Grove permite que tanto a veciñanza como as persoas que nos visitan se poidan distribuír sen provocaren acumulacións que non respecten a distancia de seguridade, outros puntos que se podían considerar problemáticos eran os locais de restauración e de lecer, nos cales tamén se puido comprobar que os responsables dos establecementos mantiveron controis con respecto á capacidade máxima permitida e á distancia entre a súa clientela. En todos os casos o control foi rigoroso á hora de non permitir o acceso aos locais sen máscara nin superar o número de persoas permitidas.

 

Así pois, o Concello do Grove quere agradecer o esforzo realizado polos profesionais do sector da hostalería e da restauración, así como polos veciños e veciñas, xa que está permitindo que o Grove cumpra o obxectivo de ser un destino tranquilo e seguro no que se poden realizar actividades de lecer con normalidade, pero tamén con garantías para a saúde.

 

Webcam en Directo

agenda

calendario
mes anterior agosto | 20 mes próximo
LMXJVSD
12
3456789
10111213141516
17181920212223
24252627282930
31

noticias

Rede de
bibliotecas

perfil del
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss